Danska i Njemačka u finalu EP u rukometu

Rukometaši Danske i Njemačke igraće u finalu Evropskog prvenstva.

Danska je večeras u Herningu, u polufinalnom meču, savladala Island 31:28.

Zvanični svjetski i olimpijski šampion osigurao je deveto evropsko odličje, a protiv Njemačke igraće za treću titulu prvaka Evrope.

Njemačka je nastup u finalu izborila pobjedom protiv Hrvatske 31:28 i osigurala četvrto evropsko finale, a peto odličje na kontinentalnim šampionatima u istoriji.

Finalni meč, koji će ujedno biti i repriza olimpijskog turnira u Parizu, na programu je u nedjelju u 18 sati.

Za treće mjesto i bronzano odličje, u 15 sati i 15 minuta, igraće Hrvatska i Island.