Angelov: Situacija sa požarima u Sjevernoj Makedoniji alarmantna, snage su iscrpljene

Direktor direkcije za zaštitu i spašavanje Sjeverne Makedonije Stojanče Angelov izjavio je da je situacija sa požarima na otvorenom danas alarmantna i da je registrovano više od 20 požara.

U video izjavi sa terena objvljenoj poslije podne na Jutjubu, Angelov je rekao da je veći dio tih požara još aktivan i da vatrogasci imaju pune ruke posla.

- Jednom riječju, imamo previše požara. Naše snage su iscrpljene, rade požrtvovano, daju sve od sebe. I vatrogasci, i timovi Direkcije za zaštitu i spašavanje, timovi Nacionalnih šuma, piloti, vazduhoplovni personal. Svi koji su uključeni u aktivnosti gašenja požara daju sve od sebe - rekao je Angelov.