Ronaldo napustio reprezentaciju Portugala

Jedan od najvećih fudbalera svih vremena Kristijano Ronaldo iznenada je napustio tabor reprezentacije Portugala.

Prethodne špekulacije o oštrom sukobu dobile su potvrdu, legendarni kapiten spakovao je kofere revoltiran potezima i izjavom selektora.

Ronaldo je gostujući meč protiv Norveške presjedio na klupi za rezervne igrače, što se dogodilo prvi put nakon nevjerovatnih 6.678 dana. Ovaj potez zadao je težak udarac fudbaleru, a izjava selektora Žorža Žesusa bila je samo okidač za konačan rez.

Slučaj je izazvao ogromnu prašinu u portugalskim medijima, pa je Žezus na današnjoj konferenciji za štampu morao odgovarati na neprijatna pitanja novinara.

Iskusni stručnjak poručio je da ime i reputacija ne garantuju mjesto u timu, što je Ronaldo doživio kao direktan čin nepoštovanja.

- Niko nije srećan kada se zagrijava pola sata, a na kraju ne uđe u igru, pogotovo ne Kristijano, baš kao što ne bi bili ni Pele ili Maradona. Međutim, status ne donosi privilegije na terenu, već predstavlja samo poštovanje za sve što je uradio u karijeri. Igračima predočim plan utakmice, ali na kraju ja donosim odluke - jasan je bio Žesus.